أهل الضحية الذي قتلتة زوجته بعد أن تزوج عليها يكشفون تفاصيل مثيرة

السلام عليكم ورحمه الله

المقال لتوضيح بعض مفاهيم الجريمه ...

الرجل دا خالي اخو امي ربنا يرحمه ويغفر اليه،تداولت  وسائل التواصل الاجتماعي  هذه الفاجعه والمصيبه التي اوجعت كل من يعرف مهند ومن لا يعرفه.

 وكانت وراء هذه المصيبه #زوجته هي الفاعله لهذه الجريمه  واتضح انو كانت مخططه و متوعده ليو بالموت ف حاله زواجه وهوا ما كان شغال بكلامه كتير المهم...

انا عاوز اوضح حاجه واحده للناس البتقول انو اكيد ظلمه ولا وصله للحاله النفسيه السيئه دي وللناس البتقول هوا السبب انها تعمل فيو كده وبالصوره البشعه دي...

الخال والله علي م اقول شهيد م كان مقصر معاها نهائي واي زول بعرف مهند بشهد بكده وما عيب ولا حرام انو يعقد ويتزوج عليها ولاسباب كتيره ما اقدر احكيها المهم مافي سبب بخليها تعمل كده وتعذبو بالنار لانو (لايعذب بالنار الا الله) 

#المشكله انو الجريمه طلعت مخطط ليها ومشتركه معاها ناس بغض النظر عن ذكر اسم وحاليآ التحقيقات شغاله وتم القبض علي الزوجه وجاري البحث والتحري علي كل من ساعد في هذا العمل القبيح، (وحق خالنا م بروح اقسم بالله)...

#الخال كان في الشغل وهي استدرجتو من الشغل للبيت بحجت انو واحد من الاولاد عيان وتعبان شديد وبعد وصولو للبيت اكتشف انو مافي زول عيان وفجاءه  قامت برش المخدر عليه  ومن ثم تعميم كل جسده بالبنزين ونومتو ف الكنبه وقفلت البيت عليو كلو... وطلعت الاولاد وحاجات ليها واشعلت النار علي جسده الطاهر وطلعت كأنها م عملت حاجه 

#حكمه ربنا بعد اشتعال الحريق في جسده بصوره مخيفه وتم تقديرها طبيآ بنسبه 90% فجاءه اراده الله كانت فوق كل شي واراد الله ان يكشف هذه الجريمه  وقدر يقوم ويكسر الزجاج بتاع الباب ويطلع الشارع وهوا ينطق في الشهاده سبحان الله ليعرف الجميع الحقيقه...

#وقال لكل الحضور والجيران اللذين اتو للمساعده واطفاء النار انو زوجتو العملت فيو كده! وانو اذا مات هي السبب  والله علي ما اقول شهيد ...

حسبي الله ونعم الوكيل في كل زول بألف وبقول ف قصص، 

واخر كلمه طلعت منو قبل يفارق الدنيا الفانيه دي يا اخوانا وصيه  اعفو لي كلكم بس عليكم الله وادعو لي وهوا مبتسم رغم الألم

اللهم ارحمه واغفر لهو واجعل قبره روض من رياض الجنه وعوض شبابه الجنه وتقبله مع الصدقين والشهداء وما نقول الا مايرضي الله... 

انا لله وانا اليه راجعون